Омодаги ба моҳи шарифи Рамазон

Моҳи рамазон моҳи бо арзишест. Дар ин моҳ дарҳои биҳишт боз мешавад ва дарҳои ҷаҳаннам баста мешавад. Моҳест, ки Аллоҳи мутаъол онро ба дигар моҳҳо бартарӣ дода ва Аллоҳи мутаъол ин неъматро ба бандагон дода, ки дари раҳмат ва ӯмеди наҷот аз оташро бар эшон бигушояд ва Аллоҳи мутаъол дар ҳар шаб гуруҳеро аз оташ раҳо месозад ва мӯминон бояд барои ин моҳи муборак омода шаванд ва қабл аз расидани ин моҳ худро омода созанд, ки ин моҳ, меҳмони бузургвораст ва дар сол фақат якбор рух медиҳад.
Рамазон шаҳри ишқу ирфон аст,
Рамазон баҳри файзу эҳсон аст.
Рамазон моҳи фитрати Қуръон,
Гоҳ таҷдиди аҳду паймон аст..
Паравардигоро то омадани моҳи Шарифи Рамазон рузҳои башумор мондаанд ҳамаи моро ба ин дарврзаи Раҳматат қабул бикун то ,ки розу ниёзи хешро бо тоъату ибодат бо рузаю исихфор бар шумо иброз кунем ва аз махфирати Шумо ва савобу самари ин моҳи бузург бо насиб гардем.

 Насиҳати Рамазонӣ барои касоне ки воқеан мехоҳанд рӯза бигиранд:
Зимни табрики так-таки азизон ба фарорасии моҳи шарифи Рамазон, ки зоҳиран рӯзи чаҳоршанбе нахустин рӯзи ин моҳ буд, 15 насиҳате, ки бузургони дин барои ҳар рӯзадоре онро тавсия фармудаанд, пешкаши азизон мекунам:
1. Бикӯш, то ин моҳ нуқтаи атфе барои ту ва баргашт аз гуноҳон ва тасҳеҳи зиндагият бошад;
2. Азматро ҷазм кун, то он чиро ки дар Рамазон анҷом медиҳӣ, дар пас аз Рамазон ҳам анҷом бидиҳӣ;
3. Ин моҳ, дар воқеъ моҳи ибодат ва амал аст, на моҳи хобу касолат;
4. Забонат ҳамеша бо зикри Худованд тар бошад;
5. Ҳангоме ки эҳсоси гуруснагӣ ва ташнагӣ кардӣ, ба ёд биёвар гуруснагон ва ташнагон дар саросари дунёро, ки онон дар тӯли сол (на фақат як моҳ) ҳамин вазъро доранд. Ва ҳамин эҳсос боис шавад, то ба кӯмаки онҳо биштобӣ;
6. Барои талаби бахшиш аз касоне ки зулме дар ҳаққи онҳо кардаӣ биштоб;
7. Барои ифторӣ додан ба рӯзадор ҳарис бош, то аз аҷри он бенасиб нагардӣ;
8. Суфраи ифторатро зиёд рангин масоз, зеро ин кор сабаби машғулияти аҳли хона дар ҳангоми рӯзҳои Рамазон мешавад ва онҳоро аз қироати Қуръон ва ибодатҳои дигар бозмедорад;
9. Аз зиёд рафтан ба сӯйи бозор дар шабҳои моҳи Рамазон махсусан шабҳои охир барҳазар бош, то ин авқоти гаронбаҳо аз дастат наравад; зеро рӯзҳову шабҳои ин моҳ барои ибодат аст, на барои рафтан ба бозорҳо;
10. Бикӯш барои анҷоми умуре аз ҷумла: намоз, ҷамоат, закот, силаи раҳм, некӣ ба волидайн, аҳволпурсии ҳамсоя, оштӣ бо касе ки байни ту ва ӯ кудурате вуҷуд дорад, адами исроф, тарбияти зердастонат, эҳтимом ба умури мусалмонон, адами истифода аз амволе, ки ба дасти ту дода шуда барои умури шахсӣ, қабул кардани насиҳат аз дигарон, дурӣ аз риё, барои дигарон онро биписанд, ки барои хеш меписандӣ, кӯшиш барои ислоҳ, парҳез аз ғайбат, тиловати Қуръон ва тадаббур дар маъонии он, хушӯъ дар ҳангоми шунидани Қуръон;
11. Барои ширкат дар намози таровеҳ ҳарис бош;
12. Бар қиёми даҳ шаби охири Рамазон ҳарис бош, зеро ин шабҳо шабҳои боарзише ҳастанд ва шаби қадр, ки беҳтар аз ҳазор моҳ мебошад, дар ин даҳ шаб аст;
13. Аз хӯрдани рӯза бидуни узр барҳазар бош, зеро ҳар кас як рӯз аз рӯзҳои Рамазонаш бидуни узр фавт шавад, рӯзаи даҳр ҳам наметавонад онро қазо ё ҷуброн кунад;
14. Дуо дар ин моҳ мустаҷоб аст, хусусан дар шабҳои он, бинобар ин, барои ҳама дуо кун; падару модар, бародарон ва хоҳаронат, ҳамсояҳо, ҳаммиҳанонат, мусалмонон дар саросари дунё;
15. Аз ҳама муҳим, бикӯш то баъд аз моҳи мубораки Рамазон ҳамон гуна боқӣ бимонӣ, ки дар моҳи Рамазон будаӣ.ва дар охир дар намозхоятон дар хакиман дуо кунед...

Эй ишқи ҷаҳонсӯзам моҳи Рамазон омад
Дар Моварои Ислом моҳи Рамазон омад,
Бар ошиқони ҷонам моҳи Рамазон омад!
Тавфиқ гулафшон шуд аз зикри саҳаргоҳӣ,
Бо лутфи Худоҷонам моҳи Рамазон омад!
Шайтон гурезон шуд аз оташи қалби пок,
Аз гулшани икромам моҳи Рамазон омад!
Гуфтори хато бишкаст аз равнақи бозорам,
Дар кӯлбаву бозорам моҳи Рамазон омад!
Дар моҳи гуноҳсӯзам садбор гунаҳ сӯзам,
Дар дидаи пурсӯзам моҳи Рамазон омад!
Аз оташу дуди дил сад шохи кабоб сӯзам,
Аз дӯди кабобсӯзам моҳи Рамазон омад!
Бутхона хароб омад, хумхона ба дод омад,
Эй ишқи ҷаҳонсӯзам моҳи Рамазон омад!
Озмӯни Худо омад бо лутфи Худовандӣ,
Ё Раб! Гунахгорам моҳи Рамазон омад!
Сармояи хоми мо оғӯшта ба исён аст,
Қуръон ҳамехонам моҳи Рамазон омад!
Оғӯштаи ғам дидам ҳар ҷо ки мунофиқ буд,
Аз раҳмати Яздонам моҳи Рамазон омад!
Мулҳид басе тарсад аз равнақи дини Ҳақ,
Бо равнақи исломам моҳи Рамазон омад!
Авроки ҳаёт рангин аз накҳати Қуръонам,
Дар боғи шаҳидонам моҳи Рамазон омад!
Гулоби муҳаббат нӯш аз косаи зулфи Ёр,
Аз Ёри диловезам моҳи Рамазон омад!
Бо ёри Муҳақкикам, оғӯштаи таҳкикам,
Дар ҷодаи таҳкикам моҳи Рамазон омад!
Дар Моварои Ислом нуру сафо боз омад,
Аз ишқи Худоҷонам моҳи Рамазон омад!
Олимхон Исматӣ