Зани пушаймон (Ҳикоя)

ҲИКОЯ

Занеро ман медонистам, ки бо сатру ҳаё ва тоъатгузор буд, вале ҳангоми ҷавонияш ба сабаби камилмии худ ба дуои падар гирифтор шуда буд, ва то дами марг сазои он рафтори ношоямашро мечашид.

Ҳангоми ҷавонии вай чашмони падараш кӯр шуда буданд ва он духтари ҷавон бо ҳамроҳи падари кӯр ва модараш дар як утоқ хоб мерафтанд. Шабона падари кӯрашро назорат мекард, то ба бистари модараш наздик нашавад. Чун падараш нобино буд гумон мекард духтараш хоб аст ва ба бистари ҳамсараш наздик мешуд, дар ин ҳол он духтар пояшро дар мобайни онон дароз карда мегуфт, ки ман бедорам. Падари нобино дами сард мекашид ва мегуфт: Худованд осудагиятро бигирад! Чунин кори бади духтар ва дуои бади падар дар ҳафтае ду ё се бор такрор меёфт. Оқибат рӯзе фаро расид, ки он духтарро ба шавҳар доданд ва келин дар хонае шуд, ки ду хушдоман дошт, модар ва бибии шавҳараш. Аксари занон чӣ мусибат будани хушдомани бадқаҳрро медонанд ва худ тасаввур кунед, ки агар чунин хушдоман дуто бошад чӣ гап мешавад? Духтари ҷавон дар зери сиёсати ду хушдоман зиндагии бисёрсолаи сангине дошт ва худаш иқрор мекард, ки ин натиҷаи ҳамон дуои "Худо осудагиятро бигирад"-и падар аст. Аммо бо ин қиссаи ғамангези он зан ба поён намерасид ва чунин кор такрор ҳам шуда буд, ки ба ҷои фарзанд ба чизи дигаре бордор мешуд ва борҳо дар зери ҷарроҳии духтурон қарор мегирифт ва моҳҳои дарозро дар беморхонаҳо сипарӣ мекард. Албатта медонист, ки ин ҳама натиҷаи он дуои бади падар аст. Бо вуҷуди ин сахтиҳо ҳаёт пеш мерафт ва фарзандонаш ба воя мерасиданд. Ӯ дар хонае зиндагӣ мекард, ки духтарашро ба шавҳар медоданд ва ҳуқуқи онро надошт бипурсад, ки домодаш кист ва чӣ ном дорад.

Солҳо мегузаштанд ва сатиҳову душвориҳоро пушти сар мекард, то ки воқеаҳои талхи кишвар ба вуқуъ пайвастанд ва шавҳару писарони бо чунин сахтӣ тарбия кардаашро дар пеши чашмонаш куштанд ва хонаашонро оташ заданд. Шояд касе бигӯяд, ки чунин кушторро бисёриҳо аз сар гузарониданд ва ба дуои падар онро нисбат додан чандон дуруст нест? Ҷавоб мегӯем, ки шояд чунин ҳам бошад, вале ин куштор барои он зан муқаддимаи мусибати дигаре буд, ки ба вуқуъ пайвастани онро ғайри Аллоҳ таъоло касе намедонист.

Ҳангоме ин зани мусибатзада ба ноҳияи дигар ба хонаи бародарани ҷавонаш фирор мекунад ва бародараш ӯро ба чунин ҳол мебинад аз сактаи қалб бародари ҷавонаш ба таври фоҷиавӣ вафот мекунад. Оқибат рӯзе фаро расиду ин зани мусулмон бо ғаму андуҳи зиёд ин оламро падруд гуфт ва тавбаву надомати худро аз ҳеҷ касе пинҳон намекард. Агар касе барои гуноҳи кардааш як бору даҳ бор тавба кунад, ин зан бошад як умр тавба кардааст. Аз ин рӯ, умед аз фазлу карами Аллоҳ таъоло ин ҳаст, вайро бибахшад ва дар ивази мусибатҳои дар дунё кашидааш подошҳои бузургаш бидиҳад, зеро надониста хато карда буд. Аммо барои дигар мусулмонон воқеаҳои ҳаёти ӯро мадрасаи панду ибрат бигардонад, то аз дуои бади падару модар ҳазар бикунанд.

НОМАИ ЗАН БА ШАВҲАР

Ин  ҳарфҳоро аз самими дил  барои  ҳар шавҳаре, ки хоҳиши зиндагонии босаодат дар дунёву охиратро дорад, менависам. ин суханони шикваомезро барои  ту, эй шавҳари меҳрубонам менависам, то ки  Худованди бузург онро калиди қалби ту  гардонад ва барои  ҳар шахсе, ки хоҳони зиндагонии  босаодат аст намунаи ибрат гардад. Эй шавҳари азизу меҳрубонам ин сатрҳоро аз умқи қалб бо оҳанги шиква оғоз менамоям аз номи  худ ва аз номи  ҳама занони ҳамтои ман, ба ту  ва мардони мисли ту менависам, шикваи аксар занон ба ҳамдигар мушобеҳ аст.

Бале сатрҳое, ки феълан  хонандаи гиромӣ мехонӣ аз умқи дили яке аз хоҳарони мост, ки аз шавҳари худ шиква мекунад. Чун бо сузу гудоз аст ман ба ҳамаи мардони тоҷике, ки соҳиби оила ҳастанд пешкаш мекунам, то ки бидонанд, ки чи камбудиҳое аз эшон сар мезанад. плтимоси ман ин аст, ки сатрҳоро бо таҳаммул бихонанд, то бидонанд, ки дар назди ҳамсарон чи норасоиҳое аз онҳо содир мешавад. Эй шавҳари меҳрубонам, аз ин хотироте, ки аз зиндагонии якҷояамон дорам солҳо гузашт, вале дар  назари ман  он рўзҳои гузашта доим мунакисанд. Эй шавҳари азизам, ту худ огоҳӣ, ки мегўянд инсони хушбахт он аст, ки гузаштаи худро аз ёд набарорад, то барояш ибрат шавад. Ҳар лаҳзаи ҳаёти заношўйи дафтарест варақногардонида, ки пур аз воқеъаҳои хушу нохуш аст, ки ба ёд наовардани он  иштибоҳест бузург.

Эй шавҳари меҳрубонам ин сатрҳое, ки мехонӣ хотиротест, ки ман онро рўйи қоғаз нигоштам, то барои ту ёдгор бимонад ва туро ба андеша водор  созад. Ёд дорӣ, эй шавҳари меҳрубонам, ки рўзе ба хонаи мо  равон будем ва дар роҳ марде ба сўям бо нигоҳи фосиқона назар кард,. Ту ки шавҳари ман  ва пушту паноҳи манӣ бепарвоӣ зоҳир кардӣ, ва ба ў чизе нагуфтӣ.

Ёд дорӣ, рўзе ба хонаамон чанд марде меҳмон шуд. Ту ба ман  амр кардӣ, ки бо онҳо бо даст салом кунам, зеро онҳо  писарҳои амаки туанд. Ҳол он ки Расули акрам (с)  дар ҳадиси муборакаш фармудааст: «Ҳевар (додари шавҳар) марг аст».

Шавҳари меҳрубонам, огоҳ бош, ки ғайрати мард далолат ба эмони ў мекунад ва ин яке аз одатҳои  хуби марди мусалмон аст. Ва пслом ба ин ташвиқ мекунад. Эй шавҳари меҳрубонам огоҳ бош, ки ғайрати мардӣ отифаест олӣ ва он танҳо дар вуҷуди родмардон маскан дорад ва онҳо иззату номуси занони худро  ҳифз менамоянд. Куҷост ин ғайрати мардии ту, то ки  номи маро дар назди мардони номаҳрам ба забон наорӣ.

Шавҳари меҳрубонам огоҳ бош, ки ғайрати мардӣ ҳосил намешавад магар ба он сабаб, ки мабодо марди дигаре ба ҳарими ў чашми тамаъ андозад. Шавҳари меҳрубонам намехоҳам, ки ту дар зиндагӣ маро мавриди шакку шубҳа қарор бидиҳӣ, балки аз ту мехоҳам ки ғайрати мардиятро дар мавриди зарурӣ дуруст  истифода барӣ. Зеро  бе обруву бе иззат шудани ман барои ту бетаъсир намемонад ва ба саъодати  дунявӣ ва ухравии мо таъсир дорад.

Шавҳари  азизам, мехоҳам, ки дар зиндагӣ ба ман аҳаммияти хосе қоил шавӣ. инчунин  мехоҳам, ки худро дар ҳаёти  ту шахси муҳим ҳисобам. Оё ман ба ин ҳақ надорам?

Ёд дорӣ азизакам рўзе таъомамро  ним соат дертар  омода сохтам ва он ҳам бошад  аз сабаби  машғулият ба корҳои хона  сар зад. Ёд дорӣ, ки чӣ қадар ғазабнок шудӣ ва  дар  назди фарзандон ба ман суханони носазо гуфтӣ. Аз ҳама ногувораш ин буд, ки  ин корро ба ҳама хабар додӣ. Оё  ин аст ҳифзи номуси ман ва эҳтироми ҳамсар? Огоҳ бош, ки он кўтоҳие, ки аз ман сар зад онро ба гардан мегирам, вале он аз танбалии ман набуд. Балки шустушуйи либос ва рубу чини хона  аз як тараф ва нигоҳубини тифли хурдсоламон, ки он лаҳза табби зиёд дошт ва шаб мижа таҳ накард аз суйи дигар  машғулам кард. Он шаб ман ҳамроҳи кўдак хоб  нарафтам, ту бошӣ осуда хоб кардӣ ва ман ба он хотир, ки туро ташвиш надиҳам бемории тифлро ошкор накардам.

Шавҳари меҳрубонам дониста бош, ки ман як инсони  заифам. Мисли ту дасту бозуи боқувват надорам. Бо ин заъфу нотавониам маро дар ҳар кор ҳама вақт сарзаниш мекунӣ. Охир,  ҷонакам, ба ман раҳм намо. Шавҳар набояд ҳамсарашро вақту новақт сарзаниш кунад. Балки мебояд  ўро бо беҳтарин усул навозишу эҳтиром намояд. Эй ҷонакам, ман ҳаргиз намегўям, ки ба камбудиҳои ман чашм пуш ва чизе нагўй.  Балки онро ба ман тарзе  гўшрас кун, ки ман суханонатро ба ҷону дил бипазирам, на бо тарсу таҳдид. Азизам худат медонӣ, ки ҳар сухан  ҷо ва ҳар нукта маконе дорад. Аз ту як хоҳиш дорам, ки узри шахсеро, ки аз ту узр мехоҳад бипазир. Чунон ки гуфтаанд:

Оби равон бе хасу хошок нест,

Одамӣ аз айбу ҳунар пок нест.

Оё аз ҳадиси Расули акрам (с) хабар надорӣ, ки эшон гурўҳе аз мардонро насиҳат карда, чунин фармудаанд:

«Шуморо васият мекунам, эй мардон, ки бо занон хушмуомила бошед, зеро зан аз  қабурғаи  мард офарида шудааст. Ва ҳаройна каҷтарин ҷойи  қабурға қисмати болоии он аст».

(ин ҳадис бо ривояти Бухорӣ ва Муслим аст.)

Огоҳ бош, эй азизам, ки саъодати  хонавода ба дур будани мо аз  хушунат вобаста аст. Бовиқор будани ту, дар наздам обруву иззататро зиёд менамояд. Ёд дорӣ эй шавҳари меҳрубонам, ки борҳо  бехобӣ кашидам ва тани нозуку заифам аз пешвозу гусели меҳмонҳоят хаста шуд. Бо чӣ шавқу самимият дастурхон мегустурдам ва ҳар чӣ дилатон мехост аз хўрданӣ омода мекардам. Баъд аз гусели меҳмонон ошхонаро тоза карда хонаҳоро ба тартиб меовардам. Вале афсус, эй шавҳари азизам, аз Шумо калимае шукру ризо нашунидам.

Шавҳари меҳрубонам ба ростӣ чӣ қадар калимаи зебост калимаи шукру сипос ҳангоме, ки  бароят гуфта мешавад. Зеро сухани хуш гуфтан ба ҳар мусалмон садақа маҳсуб мешавад. Пас куҷост он суханони хушу зебоят бо  мани заъифу нотавони паршикаста.

Шавҳари меҳрубонам, ягона чизе ки аз ту мехоҳам оромии хотир ва зиндагии осуда аст, ки солҳост, ки мунтазири онам. Оё он чӣ мехоҳӣ ба ҷо наовардаам? Оре, бо ин ҳама нотавонӣ ҳар  чӣ дар тавонам буд бароят анҷом додам. Агар андаке ҳам маро эҳтиром мекунӣ, пас он чи ман мехоҳам бароям бидеҳ. Зеро аз як даст садо намебарояд. Дасти дигаре зарурат дорам ва мехоҳам, ки он дасти ту бошад. Пас куҷост он даст.

Ёд дорӣ,  эй шавҳари меҳрубонам, ки шабе ҳамроҳ аз меҳмонӣ аз назди падару модарам бармегаштем. Ба муҷарради ворид шудан ба утоқи хоб, ки бароям макони амну оромиш аст, дар ҳол ба бадгўии падару модар ва бародаронам оғоз кардӣ. Ва ба ин қонеъ нашуда, ҳисси бадбиниатро ошкор кардӣ. Он дидорбинии ман ба сифр баробар шуд. Ба ростӣ ин дидорбинӣ, маро хеле хушнуд карда буд, вале он хушнудии маро ба мусибат мубадал кардӣ. Агар маро дўст медорӣ, пас аҳли оилаи маро низ эҳтиром намо. Агар фарзандонатро дўст дорӣ пас бо хоҳару бародаронам низ хушмуомила бош. Эй шавҳари меҳрубонам, огоҳ бош, ки ҳар рафторе, ки бо ман мекунӣ ҳамин гуна бо худат рафтор карда мешавад. Агар бароям латиф бошӣ бароят каниз мегардам. Агар бароям осмон шавӣ бароят замин  мегардам. Ман низ аз ту он чизеро, ки аз ман талаб менамоӣ дархост мекунам. Ту аз ман талаб менамоӣ, ки хонаводаи туро эҳтиром намоям ман низ аз ту ин хоҳишро дорам. Ва албатта, ман низ ба ин ҳуқуқи комил  дорам. Ёд дорӣ, эй шавҳари меҳрубонам, ки борҳо маро танҳо гузоштӣ ва бисёр шабҳо аз хона берун мерафтӣ. Вале медонам, ки ту бо рафиқонат дар сайру гашт ва маҳфилҳо ва шабнишиниҳо ҳастӣ. Вале ман танҳоям. Гўё ман як асбоби хонаи ту ҳастам. Бо чунин ҳол рўзҳову моҳҳо ва солҳои ҳаётам гузашт. Вале ман боз ҳам чашм мепўшам ва таъаҷҷуб  ҳам намекунам. Вале бароям аҷиб аст, ки шабе чун ҳарвақта  ба хона дер омадӣ.

Ман хостам бароят навигарие муҳайё созам. Он шаб  бароят оби мева омода сохтам ва хонаро оростам ва худро низ зебу зинат додам. Чун пешвозат гирифтам бо чеҳраи гирифта дағалона ба ман гуфтӣ:

- Эй моне, осуда гардам. имрўз серкор ва серташвиш будам, хеле хастаам. Феълан ниёзе ба ин зебу зинати ту надорам, хоб рафтан мехоҳам.

ин буд охирин сухане, ки он шаб бо ман гуфтӣ. Он шабро ҳеҷ гоҳ фаромўш намекунам. Маро танҳо гузоштӣ ва ба ҷойи хоб дароз кашидӣ. Эй шавҳари меҳрубонам охир ман марди қавибозу ё зани оҳанин нестам. Балки ман занеам, ки бар болои ту ҳуқуқҳои худро дорам. Охир ту мехоҳи хастагиатро  дар сўҳбат бо  дўстонат барорӣ. Вале ман мехоҳам хастагиамро танҳо бо ту сипарӣ кунам.

Охир бо ман бисоз ва аз  зиндагӣ дилсардам  макун. Аз ин  суханонам ҳайрон машав. Орзу дорам, лоақал дар мақому мартабаи рафиқонат бошам. Вале афсус, ки мисли онҳо ҳам нестам. Алоқаи мо бо муносибати  зану шавҳар чандон монанд  нест. Гўё ману ту ду ҳамсояи дур ҳастем. Эй шавҳари азизам муносибате, ки боиси рушди муҳаббати зану шавҳар мешавад бо улфат, лутф ва машварату суҳбат ба ҳамдигар қавӣ мегардад. Бале ман ба ту ниёз дорам. Пас бозгард ба сўям. Бале бо таъкид ва бо исрор ба ту мегўям бозгард ба сўйи кошонаат, эй шавҳари меҳрубонам. Ман ва фарзандонат муштоқи дидори ту ҳастем. Эй шавҳари меҳрубонам ман боре ҳам ёд надорам, ки ту ба ман имкон дода бошӣ, ки дар ғамҳоят шарик бошам. Ё барои коре бо ман машварат карда бошӣ.

инчунин ёд надорам, ки  барои  хатоҳоят аз ман узр пурсида бошӣ. инро ҳам медонам ки дар андешаи ин кор ҳам нестӣ. Ман  ёд надорам, ки рўзе маро  дар ҳаллу фасли умури хона ҳамроҳи карда бошӣ. инчунин боре ҳам ёд надорам, ки бо ман изҳори муҳаббат карда, маро бо лутфу меҳрубонӣ ба оғўш гирифта бошӣ. Охир  ин ҳама шиканҷаҳои рўҳӣ то кай домангири ман аст. Шоири бузург чӣ хуш гуфтааст:

Ё раб чи чашмаест муҳаббат, ки ман аз он,

Як қатра об хўрдаму дарё гиристам.

Шавҳари меҳрубонам, ман намегўям, ки ту шоир шав ва дар васфи ман шеър навис. Вале хоҳиш дорам, ки латифу меҳрубон бошӣ ва ба ман сухани хўш бигўйи ва изҳори сипос намои. Бовар кун дар ин суханони оддӣ натиҷаи хубе маҳфуз аст, ки муҳаббатро тавлид мекунад. Чӣ қадар орзу дорам, ки лоақал дар пораи қоғаз изҳори муҳаббататро ба ман пешкаш намои, то онро хонда сарам ба осмон бирасад. Бовар кун ин амал бароям тамоми хушиҳои зиндагиро фароҳам месозад. Шавҳари азизам биё мардонагиятро биозмой ва боре ҳам бошад бароям сухани хубе ҳадя намо. Ба ростӣ ман ба он ниёз дорам. Аз ин тарзи зиндагӣ хаста шудам. Аз ту илтиҷо менамоям, ки имшаб онро бароям анҷом бидеҳ.

Ёд дорӣ шавҳари азизам, чун рўзона туро намебинам шабе бо иштиёқи зиёд аз саргузашти навҷавониям ба ту қисса намудам. Аммо вақте ба сўят нигаристам, фаҳмидам, ки ба суханони ман таваҷҷуҳе надорӣ ва мехоҳи бо телефон ба касе занг занӣ ва ё диқататро ба рўзнома ҷалб намоӣ, ё хоб биравӣ.  Бале шавҳари меҳрубонам баростӣ ин гуна рафтори ту равонамро хароб месозад ва каромати занонаамро маҷрўҳ менамояд. Вақте чунин рафтор мекунӣ худро дар наздат одами беарзиш ҳис мекунам. Ё худ ҳангоми сухан гуфтанам суханонамро қатъ менамоӣ.  Ба рости ин амалҳои ту муҳаббати ҳамнишиниатро мемиронад. Ҳатто гоҳ-гоҳе ки бо ҳам сари дастархон таъом мехўрем намехоҳӣ, ки бо ту ҳазлу шўхӣ намоям ё ин ки бо ман чунин рафторро лоиқ намебинӣ, оё чунин нест? Ту мехоҳӣ аз ман дур бошӣ. Охир ин ҳама ҷабру ҷафо барои чӣ. Оё суханони  муаллими башарият Муҳаммад (с)-ро  нашунидаӣ, ки фармудааст:

«Беҳтарини Мўъминон  аз рўи имон хушахлоқтарини онҳост. Ва  беҳтарини шумо шахсест, ки бо занаш рафтораш беҳтар бошад»

(ин ҳадис ба ривояти Тирмизист)

Шавҳари азизам, огоҳ бош, ки бадахлоқият бо ман ва ба тартиб наовардани сару рўят ва зинат надодани андомат, бароям хеле сангин аст. Оё нашунидаӣ суханони Худоро, ки гуфтааст:

Сухани Худо:

Бояд, ки занони муталлақа (талоқшуда) то се бор пок шудан аз шавҳар кардан бозистанд. Ва агар ба Худо ва рўзи қиёмат имон доранд, раво нест, ки он чиро, ки Худо дар раҳми онон офаридааст, пинҳон доранд.  Ва дар он айём агар шавҳаронашон қасди ислоҳ дошта бошанд, ба бозгардониданашон сазовортаранд. Ва барои занон ҳуқуқе шоиста аст, монанди вазифае, ки бар ўҳдаи онҳост, вале мардонро бар занон мартабаест. Ва Худо пирўзманду ҳаким аст!

(Сураи Бақара, ояти 228)

Дар ҳоле, ки ту аз ман талаб менамоӣ, ки ҳамеша зебову ороста бошам. Ҳатто аз ман талаб менамоӣ, ки ба монанди он занҳое, ки дар ойинаи нилгун мебинӣ ороста бошам. Оё ман боре ҳам хостаатро набаровардаам?  Охир ман аз ту лутфу меҳрубонӣ мехоҳам ва ман низ эҳсос дорам он гунае, ки ту дорӣ. Охир ман пораи гушт нестам, ки болои рахти хобат афканда шуда бошам. Ва ё бозичаи дасти ту нестам, ки танҳо хоҳишоти нафсониатро бароварда созам. На, эй шавҳари азизам, агар чунин фикр дошта бошӣ ғалат кардаӣ.

Аз ту мехоҳам он чиро, ки ту аз ман мехоҳӣ. Дониста бош.

Ёд дорӣ, эй шавҳари азизам, ки чанд рўз пеш аз сафар бозгаштӣ, шаб аз нисф гузашта буд ва аз омаданат пешаки хабар надодӣ. Ногоҳ садои занги дарро шунидам ин бароям аҷиб нест. Аҷибаш дар он аст, ки ту аз ман дар ғазаб шудӣ ва ба ман нигариста гуфтӣ, ки чаро худамро бароят омода насохтаам. Боз ранҷида, гуфтӣ, ки ту ҳамеша хоҳишоти маро иҷро намекунӣ ва гўё  ман ба ту  бетаваҷҷуҳи зоҳир мекардаам.

Ба ростӣ аз омаданат хабар надоштам ва вақти бозгаштат нисфи шаб буд. Вале агар хабар медоштам, то субҳ мунтазират менишастам.

Ёд дорӣ, эй шавҳаракам, ки вақте аз ту барои ҳоҷатҳои оилавӣ чизе талаб мекунам дар ғазаб мешавӣ, чашмҳоят давр зада фишорат баланд мешавад. ин лаҳза ба ман бо алфози қабеҳ ҷавоб медиҳӣ.

Охир он камбудиҳо ё норасоиҳое, ки дар рўзгори мост ғайр аз ту касе  ҳал намекунад. Бар зами ин агар омада, норасоиеро бинӣ бар сарам дод мезанӣ, ки масъулиятшинос нестам. Оё медонӣ, эй шавҳари азизам, ки нафақаи ман ва фарзандонам бар гарданат воҷиб аст. Ва медонӣ, ки кафили ман тўйи. Эй шавҳари азизам охир ман он чизҳоеро, ки дархост мекунам, барои як худи ман нест. Онро ман ба хонаи падару модарам ҳам равон намекунам. На, қасам ба Худо, чунин корро ҳаргиз нахоҳам кард, зеро нигаҳбонии моли ту бар ман воҷиб аст. Он ҳама барои ту ва фарзандони ту ва меҳмонони ту аст.

Чуноне ки гуфтӣ гўё ман туро ба харидани ашёи қиматбаҳо маҷбур месохта бошам. Бароят чунин мегўям, ки  чи қадар орзу доштам, ки ту худ бе гуфтаи ман асбобу анҷоми ниҳоят заруриро бихарӣ. Ту боши аз ман талаб дорӣ, ки аз баҳри он чизҳо бигузарам ва зиндагии худро мувофиқи моҳонаи ту сипарӣ созам. Эй азизи ман аз пашша фил насоз. Биё якҷоя барои рафъи мушкилоти зиндагӣ машварат намоем ва хонаамонро ободу осуда созем ва фарзандонамонро тарбияи хуб диҳем. Биё мизонияи сарфу харҷи як моҳаи хонаро тартиб диҳем. Ман низ бо он розӣ ҳастам. Ва аз моҳонаи ту чизе бештар талаб накардаам. Огоҳ бош, ки лаззати ҳаёти зану шавҳар дар якдигарфаҳмист. Ёд дорӣ эй шавҳари азизам, ки рўзе таҳдид ба талоқам намудӣ ва  ҳушдорам додӣ, ки агар чунин вазъ идома ёбад зани дигаре хоҳам гирифт.

Огоҳ бош, эй шавҳари азизам, ки ман ба он чи Худованд мубоҳ гардонидааст, ҳаргиз муқобил нестам Вале ягона чизе ки хушам намеояд он аст, ки ҳар гоҳе мушкиле пеш ояд аз зангири сухан мегўйи ва ин суханонро чун  гарданбанд дар гардани ман меандозӣ. Охир ман ҳам зан ҳастам, ҳангоми чунин сухан гуфтанат худро таҳқирнамуда меҳисобам ва ин услубат хеле услуби бад аст. Ҳар вақте ки чунин мегўӣ қадрат дар наздам паст мешавад. Ман зан ҳастам ва чунин мепиндорам, ки  ин услуби марди заиф аст, ки аз  ҳалли мушкилоти хонавода оҷиз аст.  Магар зани дигар талабот надорад? Ў низ зан аст ва мехоҳад мушкилоташро ҳал созад. Дар он ҳолат чи баҳона пеш меорӣ ва саратро ба куҷо мезанӣ. Ё боз дар фикри гирифтани зани дигар мешавӣ. На, эй азизакам, ман чунин меҳисобам, ки ин пиндор пиндори марди заъиф аст.

Эй азизакам мехоҳам, ки андешаи пухта дошта бошӣ ва  аз ту фахр кунам на нафрат. Ба ёд ор, эй шавҳари азизам, ҳар гоҳе миёни мо мушкилоти хонаводагӣ пеш ояд дар ҳол гушаки телефонро мебардорӣ ва дар як лаҳза ин сирри оилавиро  ба баъзе аз рафиқонат ё наздиконат хабар медиҳӣ. Ростӣ аз ин кори ту шармам меояд. Ту, шавҳари азизам сирри хонаро бароварда аз як шахси бегона маслиҳат ё кўмак мепурсӣ? Бисёр мехоҳам, ки он мушкили пешомадаро бо ҳам ҳал намоем ва овозаи он аз остонаи дари хонаи мо берун нашавад. Яқин медонам, ки ту низ тарафдори ман ҳастӣ.

Ба ёд ор, эй шавҳари азизам, ки баъзе аз рўзҳо ту ғазаболуд вориди хона мешавӣ. Албатта медонам, ки вазнини зиндагиро бар душ дорӣ, вале чаро интиқоми нобарориҳоятро аз ман мегирӣ ва дар он ҳолат ба ман ҳар чи хоҳӣ мегўйи.  Шавҳари азизам як каме биандеш ба фикрам бояд як фарқияте бошад. Бояд бидонӣ, ки ҳаёти хонаводагии ману ту чизи дигар ва ҳаёти корхонагии ту тамоман чизи дигар аст. Бояд миёни ин ду ҳаёт фосилае барқарор созӣ.

Дигар ба ман сухани носазо магў, зеро ман аз ҷумлаи зердастони корхонаат нестам. Ҳол он ки бо зердастон низ касе чунин дашному таҳқирро раво намебинад. Ва низ огоҳ бош, ки тавре, ки ту берун аз манзил заҳмат мекашӣ ман низ дар хона машғулияти зиёд дорам. Намехоҳам корҳои анҷом додаамро ба ту хотиррасон кунам, зеро ҳамааш ба худат маълум аст. Худат медонӣ, ки ман дар хона осудаву ором наменишинам, балки мисли ту арақи ҷабин мерезам.

Шавҳари азизам як чизи дигарро ба ёдат меорам шабе мисли ҳарвақта ба ман ваъда додӣ, ки фалон соат ба хона меоӣ, вале дар вақти ваъдагӣ наомадӣ. Ман хеле интизорат шудам,  хўрок низ нахўрдам, то ҳамроҳ хўрок хўрем. Ба ростӣ хўрокро чанд бор гарм ҳам кардам. Ман пайваста ба соат нигариста дақиқаҳоро мешумурдам. Вақте ту вориди хона гаштӣ Худоро шукр намудам, ки ба дидорат мушарраф шудам. Вале ҳайҳот, ин ҳама омодагиҳо барабас рафт. Пас аз ворид шудан дар ҳол ба ҷойи хобат равон шудӣ ва ба пуштат нигоҳ накарда нимғурма гуфтӣ, ки маро субҳ барвақт бедор кун, ки кори заруре дорам.

Шавҳари азизам куҷост эҳтироми он бедорхобӣ ва интизориҳои ман. Аз хўроки омодакардаам луқмае ҳам нахўрдӣ. Эй шавҳари меҳрубонам аз ту муъомилаи накуро чашминтизорам. Ҳарчанд дилат ҳам нахоҳад ба хотири ман ин корро бикун. Агар натавонӣ боре худро маҷбур намо.

Шавҳари меҳрубонам солҳост, ки ҳаёти оилавии мо ҳамеша якранг аст. Саҳар ту ба кор мешитобӣ. Баъд аз кор ба ҷое меравӣ, ки ман аз он ҳанўз ҳам огоҳ нестам. Танҳо баъд аз як поси шаб туро мебинам. Он ҳам бошад то лаҳзаи хоб бурдани ману ту. Пас  куҷост он суҳбатҳои гарму самимонаи ману ту ва гирдиҳамоиҳо бо аҳли оила  дар аторфи як суфра. Ҳайҳот, вориди хона шуда таъом хўрда хоб мекунӣ ва пагоҳи  аз  хоб хеста ба кор меравӣ. Ба рости солҳост, ки ин гуна ҳаёти дилгиркунанда идома дорад. Хаста шудаам. Роҳи ҳалли ин мушкилро хоҳонам.

Эй шавҳари азизам, аз ту ба як саволам посух  металабам. Охирин бор кай ба ман ҳадяе овардӣ. Посухи ин саволро ба виҷдонат ҳавола мекунам.

Ёд дорӣ шавҳари меҳрубонам, боре гуфтамат, ки ба хонаамон хешовандони ман меҳмон мешаванд. Бо шунидани ин сухан дар ғазаб шудӣ. ин масъаларо аз ёд набарор, ки  эҳтироми хонаводаи ман эҳтироми ман аст. Ва таҳқиру беэҳтиромӣ нисбат ба онҳо таҳқиру беэҳтиромӣ нисбат ба ман аст. Аммо аз ман талаб менамоӣ, ки  аҳли хонаводаи туро бо лутфу меҳрубонӣ ва чеҳраи кушода пазироӣ намоям. Вале чаро ман ҳуқуқ надоштаам, ки аз ту ҳамин дархостро кунам.

Ба ёдат ҳаст шавҳари азизам, ки ту ҳангоми хастагӣ ё дер ба хона омаданат аз ман хоҳиш менамоӣ, ки вақти намози бомдод бедорат накунам. Ҳуқуқҳои маро ту поймол кардаӣ. Вале чаро ҳаққи Худоро ба ҷо намеорӣ. Огоҳ бош, ки ин масъала хеле хатарнок аст, зеро қасдан тарк намудани намоз куфр аст. Намоз масъулияти хеле бузург аст. Охир чизе, ки мусалмону кофирро аз ҳам фарқ  мекунонад ҳамин намоз аст. Пас аз Худо битарс, охир ту бояд барои фарзандонат намунаи ибрат бошӣ. Аз Худо битарс! Аз Худо битарс!.

Як чизи дигарро ба ёдат меорам ва худат ҳам медонӣ, ки барои ин масъала ман борҳо таъкидат кардаам, ки ин одатҳои хабисатро тарк намо. ин одатҳои нописанди ту аз қабили кашидани носу сигор ва истеъмоли нушокиҳои спиртӣ аст. Ба рости ин камбудиҳои ту ба ман ва фарзандонам нохуш вст.

Огоҳ бош, ки оянда дар назди онҳо ҳақиру камаҳамият мегардӣ. Аз ин суханонам тааҷҷуб манамо, зеро воқеият дорад. Боз ҳушдорат медиҳам, ки агар минбаъд ин корҳоят идома ёбанд ва бинӣ, ки яке аз фарзандонат роҳи носавоберо пеша кардааст дар он ҳол на тааҷҷуб кун ва на ғазаб, зеро ў пайрави падар шудааст.

Чуноне, ки гуфтаанд:

-  Шахсе, ки пайрави падар аст гумроҳ нашудааст.

Ёд дорӣ, эй азизам, боре фарзанди бузургамонро лату куб кардӣ он ҳам бошад барои як кори ночиз. Дар ҳоле ки он лату куби ту хеле дарднок буд. Куҷост услуби насиҳат ва адаб додани фарзанд. Ту бояд бо ў чунин рафтор наменамудӣ. инчунин боре фарзандони кўчакамон дар коре хато карданд. Ман онҳоро адаб дода аз бозӣ маҳрум кардам ва бозичаҳояшонро аз дасташон гирифтам. Ту бошӣ дар назди кўдакон маро сарзаниш кардӣ ва дубора бозичаҳоро ба дасташон додӣ. Огоҳ бош, ки чунин тарзи тарбия нодуруст аст ва чунин амали ту кўдаконро ба хатокорӣ водор месозад. Зеро онҳо мепиндоранд, ки пуштибоне доранд ва ҳар коре хоҳанд мекунанд ва маро, ки доим ҳамроҳи эшонам гуш намекунанд. инчунин ҳангоми ҳадя додан ба фарзандонат туро одил намебинам. Зеро гоҳе ба яке  ҳадя меорӣ ва гоҳе ба дигарӣ. Ва гоҳе ба яке ҳадя намедиҳӣ дар ҳоле ки ў лоиқи ҳадя аст ва баракс ҳадяро ба шахси нолоиқ медиҳӣ.

Эй шавҳари азизам, дар тарбияи фарзандонамон бикуш ва ҷаҳд намо, зеро онҳо самари зиндагии мо ҳастанд. Эй шавҳари азизам, ёд дорӣ, ки ҳама кори хона ва тарбияи фарзандон бар души ман аст. Ба он хотир ки ту шабҳо дер меойи ва доим бо дўстонат ҳастӣ. На азизам ҳама кори хонаро бар души ман гузоштанат хатост. Охир ман  соябоне мехоҳам, ки сарпарасти ман ва аҳли оилаам бошад. Хуллас марде бошад, ки лаҷоми умури хонаводаро бо дасти пурқувваташ гирад.

Эй шавҳари азизам монанди баъзе  мардон мабош, ки зимоми умури хонаро ба дасти занҳояшон додаанд. Ман зан ҳастам эҳтиёҷ ба мардонагии ту дорам. Оё намедонӣ, ки Худованди карим дар Қуръони карим гуфтааст:

Сухани Худо:

Мардон аз он ҷиҳат, ки Худо баъзеро бар баъзе бартарӣ додааст ва аз он ҷиҳат, ки аз моли худ нафақа медиҳанд, бар занон сардорӣ доранд. Пас занони шоиста фармонбардоранд ва дар ғайбати шўй афифанд (пок) ва фармони Худоро нигоҳ медоранд. Ва он занонро, ки аз нофармонияшон бим доред, панд диҳед ва аз хобгоҳашон дурӣ кунед ва бизанедашон (барои панд гирифтан ва ислоҳ шудан). Агар фармонбардорӣ карданд, аз он пас дигар роҳи зулм пеш магиред. Ва Худо баландпояву бузург аст!

(Сураи Нисо, ояти 34)

Дар ҷой дигар чунин гуфтааст:

Сухани Худо:

Чун фарзанди хеш бизод, гуфт:  «Эй Парвардигори ман, ин ки зойидаам, духтар аст ва Худо ба он чӣ зоида буд, донотар аст ва писар  чун духтар нест. Ўро Марям ном ниҳодам. Ў ва фарзандонашро аз шайтони раҷим дар паноҳи Ту меоварам».

(Сураи Оли имрон, ояти 36)

Огоҳ бош, ки шумо мардон зимоми умури хонаводаро бояд ба даст гиред, зеро мард асл буда зан ҷузъе аз ўст. инчунин зан аз қабурғаи чапи мард офарида шудааст ва инчунин зан ноқисулақл ва ноқисуддин аст. инчунин зан заъиф аст, зеро ў бо ҳолатҳои гуногун монанди бемории занона, ҳомилагӣ ва таваллуди фарзанд рў ба рў мешавад.

Шавҳари меҳрубонам ман марде мехоҳам, ки тамоми умури зиндагимонро роҳнамоӣ кунад. Бале мехоҳам онро ва мехоҳам, ки он мард ту бошӣ. Ёд дорӣ эй шавҳари азизам, ҳангоме, ки ман бемории занона мешавам ту бошӣ аз ман талаби қонеъ кардани ҳуқуқи худ ва саробонии фарзандонат ва меҳмондории меҳмононатро менамоӣ. Эй шавҳари азизам, ин ҳама талаботе, ки ту дорӣ ман бароварда наметавонам, зеро ман низ инсонам гоҳ хурсандам гоҳ хаставу бемор. Бидон, эй шавҳаракам ин навоқисе, ки ба мо Худованд лоиқ дидааст ба тамоми духтарони Ҳавво хос аст. Ту низ бояд инро дарк намоӣ.

Ёд дорӣ шавҳари азизам, ки рўзе дар дастат ҳафтанома буд ва ҳангоми варақгардонӣ расми занони зебоеро дар он дида ба таърифу тавсифи он расмҳо пардохтӣ. Албатта, аввалан ин нишонаи он аст, ки аз Худо наметарсӣ ва ба илме, ки Худо ба ту додааст амал намекунӣ, сониян рашки манро ба назар намеорӣ? Охир ман зан ҳастам ва ин корат нисбат ба ту нафратамро бедор месозад. Дигараш ин ки ба шаъни ту чунин амал намезебад.

Азизам ин занҳои  бешарму беҳаёи нимурён ва зебосанамҳое, ки дилат ба эшон моил аст савганд ба Худо ҳамаи онҳо шайтонҳои инсиянд. Огоҳ бош, ки онҳо фосидкунандагони ахлоқи ҷавононанд. Онҳо аз чунин мардони булҳавас дину иззат ва обруяшонро мерабоянд. Ман аз он метарсам, ки ин нигоҳҳои гурусначашмонаи ту ба ин гуна занҳои нимбараҳна туро аз рағбат ба зани ҳалолат  бенасиб мегардонад. Ва оқибат низоми хонаводагии моро аз байн хоҳад бурд, ва ҳаётамро ба ҷониби фисқу фуҷур савқ медиҳад, ки нигоҳат сабабгори он мешавад.

Огоҳ бош, ки нигоҳ доштани чашм аз номаҳрам яке аз самараҳои имон аст. инчунин дониста бош, ки маънои ҳақиқии зебоӣ дар мўйҳои жулида, лабҳои сурх ва  бадани урён нест. Балки ин кор як бемории муҳлик асту бас. Балки зебогии аслӣ дар рўҳи пок, рафтор ва ахлоқи накуст. Огоҳ бош, эй шавҳари меҳрубонам, ки қаноат хазинаи беинтиҳост. Чуноне, ки Худованди карим  фармудааст:

Сухани Худо:

Агар занону мардоне аз онҳоро (кофиронро) аз як зиндагии хуш баҳраманд сохтаем, ту ба онҳо манигар. ин барои он аст, ки имтиҳонашон кунем. Ризқи Парвардигорат беҳтару пойдортар аст!

(Сураи Тоҳо, ояти 131)

Дар хотима, эй шавҳари меҳрубонам аз ту сипосгузорам, зеро ин номаи бо сузу гудоз нигоштаи маро бо сабру таҳаммул хондӣ ва умедворам, ки дар ҳаёти минбаъдаи оилавиамон саҳифаи  ҷадиде боз хоҳем намуд ва он саҳифаҳои сиёҳро аз байн хоҳем бурд. Эй шавҳари  меҳрубонам ман суханони дар мактубат ба ман навиштаатро ҳаргиз фаромўш нахоҳам кард. Ту гуфта будӣ,  ки сарзаниш собуни дил аст.

Пас инак ману ту якдигарро ба хотири ислоҳи камбудиҳоямон сарзаниш намудем. инак вақти он расидааст,  ки якдигарро  бубахшем. Ман он камбудиҳоямро, ки дар номаат зикр кардаӣ   ислоҳ мекунам ва аз ту низ чунин умед дорам. Биё дилҳоямонро бо собуни сидқ бишўем, то аз ҳама навоқис пок гардем.

Эй шавҳари меҳрубонам аз Худо таманнои онро дорам, ки бо саъодат зиндагонӣ карданро насибамон гардонад ва  ту нохудои сафинаи ҳаёти мо бошӣ, эй маҳбубтарин ҳамнафаси ман.  Орзумандам, ки сафинаи ҳаёти мо дар баҳри ишқ доимо шиновар бошад. Бо салому эҳтироми фаровон дуъогў ва хайрхоҳи ту ҳамсари бовафоят. 

Ба қалами: Муҳаммадиқболи Садриддин.

НАСИҲАТИ МОДАР

Фарзанди азизам рӯзе маро пир хоҳи дид... Дар он лаҳза хоҳиши ман аз ту чунин аст:Дар муқобили рафтор ва гуфтори пиронаам сабур бош! Ҳангоме,ки дасти ман меларзад ва луқма аз даҳонам меафтад ва либосҳоямро олуда мекунад... Он лаҳзае,ки либосамро пӯшида наметавонам.... Он лахзае ,ки буйи бадам нороҳатат мекунад... Он лаҳзае,ки зебогии ман хушбуйии ман меравад... Бо ман босабр бош ва маро маломат макун! Ба ёд ор он замонеро ки хурдсол буди туро аз гаждиҳо тоза мекардам,хушбуйи мекардам,лабу даҳонат ки аз хурдани таом олуда шуда буд пок мекардам ва онҳоро мебусидам... Ман касе ҳастам,ки туро тарбия кардам.Ман касе ҳастам ки туро ҳаётро омухтам пас чигуна имруз ту маро мегуи фалон корро бикун ва фалонашро не? Аз фаромушхотирии ман аз оҳиста сухан гуфтани ман нороҳат машав,зеро ман худро хушбахт меҳисобам вақте ки бо ту сухан мегуям... Вақте,ки пойҳоям қуввати бардоштани манро надоранд ва мехоҳам бо ту ба ҷое биравам ва оҳиста оҳиста қадам мегузорам пас бо ман мехрубон бош ва нороҳат машав, ба ёд биёр он рузеро ки туро дар оғуши худ бардошта мебурдам то ин ки роҳгардиро омухти... Харгиз шарм мадор вақте,ки имруз аз дасти ман мегири . Фардо ту низ муҳтоҷ ба касе хоҳи шуд ки дасти туро бигирад. Фаромуш накун ки ман мисли ту аз ҳаёт умед надорам балки ман маргро интизорам пас бо ман бош! Вақте,ки кадом хатои гузаштаи маро ба ёд меори бо ман кинагирию душмани макун зеро ки ман танҳо манфиату фоидаи туро мехостам агарчи дар назари ту хато намоён мешуд. Ягона чизе ки аз ту мехоҳам хатоҳои маро бубахш,Худованд айбу хтоҳои туро бибахшад. Ҳануз ҳам табассуми ту хандаҳои ту маро хурсанд мекунад пас манро аз онҳо маҳрум макун! Фарзанди азизам: ҳангоми таваллуд шуди бо ту будам пас хангоми марг бо ман бош!!! Худовандо падару модари моро биёмурз ва онҳоро шомили раҳматат бигардон. Омин.

НАСИҲАТ БА ФАРЗАНДОН

* - Ба фарзандат магӯ, биё, намоз бихон ва илло ба дӯзах хоҳӣ рафт, балки бигӯ, эй ҷигаргӯшаам, биё, то намоз бихонем, то ҳама хонадон аз аҳли биҳишт гардем.
* - Ба фарзандат магӯ, эй танбал, бирав, ҳуҷраатро мураттаб кун, ки мисли харобазор шуда аст, балки бигӯяш, ки эй нури чашми падар, ту ки тозагиву тартибро дӯст дорӣ, оё мехоҳӣ, ки касе ёварият кунад, то ҳуҷраатро ба назму тартиб дарорӣ?
* - Ба фарзандат магӯ, ки эй хирасар, чанд бор гуфтамат, ки дар хонаву кӯча тӯпбозӣ макун, балки бигӯ, ҷони падар, медонам, ки ту истеъдоди тӯпбозӣ дорӣ, аммо хонаву кӯча ҷои тӯпбозӣ нест, бо ёронат як рӯзе дар ҳафта ҷамъ шавед ва дар варзишгоҳи мактаб бозӣ кунед ва қисме аз маблағи иҷораи варзишгоҳро ман мепардозам.
* - Ба фарзандат магӯ, ки эй бефаҳм, бархезу дарсҳоятро бихон, бозиро тарк кун, чун дарсхонӣ муҳимтар аст, балки бигӯ, эй шодии қалбам, чун аз хондани дарсҳоят фориғ шудӣ, агар хоҳӣ, ман низ муддате чанд дар бозиятон мушоракат мекунам.
* - Ба фарзандат магӯ, ки эй бетамиз, чанд борат бигӯямат, ки дастонатро баъди тановули таъом бишӯй, ё бархезу дандонатро бишӯй, ё ки ҳар бор ҳатман ман як гапро бигӯям? Балки бигӯй, ки Паёмбарамон (саллаллоҳу алайҳи ва саллам) моро фармуда аст, ки "ан-назофату мина-л-имон" – "тозагӣ аз имон аст", ман низ шод мешавам, ки дар пайравӣ аз ин сухани Паёмбар дастонат, ё дандонҳоятро бишӯӣ ва маро шод гардонӣ.
 * - Ба фарзандат магӯ, ки эй аблаҳ, ту ба ҷуз девори хона ҷои дигаре наёфтӣ, ки бинависӣ? Балки бигӯ, писаракам, ҳадисе аз аҳодиси Паёмбарро {саллаллоҳу алайҳи ва саллам}, ё ҳикматеро бо хатти худ зебо бинавис, то онро дар девор биовезаму ҳама аҳли байт ва меҳмонон аз маънии он баҳра баранд ва аз хушнависии ту лаззат. 

* - Ба фарзандат магӯ, ки эй беҳудакор, ин чи расми бемаъниву пурхатти каҷҷу килеб аст, ки кашидаӣ, балки бигӯ, ки эй писаракам, оё метавонӣ, ки бароям шарҳ бидиҳӣ, ки чи чизеро расм кашидаӣ? Ин хонаи кист ва ин дарахт чи ном дорад ва ин мошини кист ва ғайра...
* - Ба фарзандат магӯ, ки ба паҳлуи чап махоб, балки бигӯ, Фиристодаи Худо {саллаллоҳу алайҳи ва саллам} моро омӯзонида аст, ки бар паҳлуи рост бихобем ва дуъоҳои зебоеро пеш аз хоб бигӯем. Оё мехоҳӣ, мисли Паёмбар {саллаллоҳу алайҳи ва саллам} бихобӣ ва мисли ӯ зикрҳои хобро бигӯӣ ва хобҳои ширинтаринро бибинӣ? Эй писаракам, мехоҳӣ, ки яке аз устодони карате ҷондори хосат бошад? Оё мехоҳӣ, ки касе аз башар не, балки фариштае ҳимоятгарат бошад? Мегӯяд, ки бале. Бигӯ, ояти курсиро бихон, то Худои таъоло бароят фариштаеро ҳамчун ҷондор (телохранител) бифиристад, ки то субҳдам посбоният кунад.
* - Ба фарзандат магӯ, ки эй занбурсифат, ширинии зиёд махур, ки дандонҳоят мисли пирони садсола сиёҳ мешаванд, балки бигӯ, бароят дастур дода будам, ки рӯзе се бор ширинӣ бихӯрӣ, зеро яқин дорам, ки дандонҳоятро мешӯӣ.
* - Ба фарзандат магӯ, ки эй нодон, чаро ба чунин суоле осон посух додан наметавонӣ? Балки бигӯ, ки шояд, ин суол ба ёрмандӣ ниёз дорад, аммо суоли дигарат медиҳам, ки онро худат ба танҳоӣ ҳал кунӣ, зеро суол осон асту ту писари зирак.
 Ба фарзандат магӯ, ки вақтатро бо бозии хонасозӣ зоеъ макун, балки бигӯ, эй писаракам, ҳунари меъморӣ дорӣ, бо ҳамин бозичаат бароям хонае бисоз, то хонаамро бибинаму ҳунари меъмориятро бори дигар баҳо диҳам.

Ба фарзандат, магӯ, ки эй шикампараст, бисёр махӯр, ки вазнат зиёд шуда асту ҷисмат ситабр, балки бигӯ, эй писарам, биё баъди як соати таъом хурдан бо ҳам тӯпбозӣ мекунем, ё ним соат дар ҳавои тоза варзиш кунем.
Ба фарзандат, магӯ, ки чаро дар вақт намозро намехонӣ, балки чун вақти намоз фаро расид, худ бархез ва бигӯ, ки эй писаракам, иқомати намозро бидеҳ, то якҷо намозро бихонем.
Ба фарзандат, магӯ, ки эй пургӯй, бисёр гап мазан, бо пургӯиҳоят гӯшамро ба дард овардӣ, балки бигӯяш, ки писаракам, суханвари чарбзабон мешавӣ ва барояш мавзӯъеро муайян кун, то дар ҳузури аҳли хонавода баъд аз таъом хурдан ба муддати 3 дақиқа суханронӣ кунад, то рӯҳияи суханвариро дар ӯ парвариш диҳӣ.
Ба фарзандат, магӯ, ки эй фарзандам, чун бузург шудӣ, садақа бидеҳ, балки бигӯ, эй ҷони падар, бархез, биравем ва кори хайре бикунем, ба ятиме садақае бидиҳем, мустамандеро дастгирӣ кунем, ҳоҷати бенавоеро бароварда созем. Онгоҳ, чун ба пеши ятим, мустаманд, ё бенавое расидӣ, молро дар каффи фарзандат бинеҳ, то садақаро ба ятиму мустаманд таслим кунад, то ин кораш барояш дарсе ибратомӯзи фаромушнашаванда гардад.
 Ба фарзандат, магӯ, ки эй фарзандам, чаро зиёд мехобӣ, балки бигӯ, эй азизам, барвақттар бихоб ва занги соат, ё телефонро барои бомдод бигзору моро барои намози бомдод бедор кун, то аз савоби намози ҳама аҳли хонадон бархурдор шавӣ. Фарзандонат ва аҳли хонаводаро ба навбат бар ин кор бигумор, то ҳар рӯзе яке масъули бедор кардани аҳли хонадон бошад, то рӯҳи масъулиятшиносӣ дар онон пайдо шавад. Ва барояшон ҷоизаи хубе ҳам таъйин фармо! 

Ба фарзандат, магӯ, ки эй фарзандам, чаро дурӯғ мегӯӣ, балки қабл аз ҳама, ҳар сухане ки мегӯӣ, сухани рост бигӯ, ҳатто дар шӯхиҳоят ва ба ҳар ваъдае ки медиҳӣ, вафо кун ва низ чун фарзандат гуноҳе мекунад, бар ӯ сахт магир, чунки уқубати сахт кардан ва маломатҳои паёпай мӯҷиби дурӯғгӯии фарзанд мешаванд. Агар гуноҳе аз фарзандат сар занад, барояш шарт бигзор, ки агар рост, бигӯяд, аз маломату иқоб афв хоҳад шуд.
Дар тарбияи фарзанд талқини хушбинона ва суханони дилгармкунандаро кор банд ва дар дили ӯ ва зеҳни ӯ рӯҳи бовариро биангез ва аз суханони сахт ва рӯҳшикан бипарҳез ва ӯро бо таҳдид карданҳои паёпай ва суханони қабеҳу дурушт тарсу магардон!
Чун фарзандатро аз чизе манъ мекунӣ, ба ҷои он бадиле сазовор тақдим дор, агар аз кори баде манъаш мекунӣ, бадии онро барояш шарҳ бидеҳ ва кори некеро ба ҷои он пешниҳодаш кун!
Беҳтарин тарбияи фарзанд тарбияи амалист, ки худ он корро анҷом бидиҳӣ, онгоҳ фарзандат бе гуфтану амр кардан аз рӯи тақлид анҷомаш медиҳад, зеро падару модар дар бисёре аз хонадон масали аъло ҳастанд ва намунаи пайравӣ. Чи бадбахт аст падаре, ки барои фарзандаш намунаи пайравии нек набошад.(ф,н)

Се насиҳати хуб

1. Ҳар   касе ,ки  машғули корҳои  охират бишавад,Худованд  зомини  корҳои  дунёвии ӯ  хоҳад  шуд.

2.Ҳар  касе ,ки  ботинашро  хуб  бикунад, Худованд  зоҳирашро  хуб  хоҳад  намуд.

3.Касе ,ки  робитаашро  бо Аллоҳ  хуб  бикунад,Худованд  робитаи  уро  бо махлуқот  хуб  хоҳад кард.

Насоеҳ

Луқмони  ҳаким    фарзанди худро фармуд ,ки  Эй  писар , се  чизро  нигоҳ  дор:

1.Дирам нигоҳ дорӣ  ба  нияти бетамаъӣ

2.Динро  нигоҳ  дор барои он ҷаҳон.

3.Ҳикматро  нигоҳ  дорӣ  барои тандурустӣ.

Боз  фармуд:

Эй  писар  ,бо авои дӯстӣ  макун  ва  аз  навкиса  қарз  махоҳ.

Илм  омӯз ,ки ҳар  киро  илм  нест , иззат  нест  ва  ҳар  киро  ҳилм  нест, аз  илм  баҳра нест  ва  ҳар  киро саховат  нест ,дӯст  нест  ва  ҳар  киро  дӯст  нест, давлат нест.

Эй  фарзанд , сабру яқин  ва  муҷоҳидати  нафс  худро шиор кун. Ва  бояд  ҳеҷ  кас  вақт  иртикоби  муҳаррамот  накунӣ  ва  ба  ризқи  муқаддар  қаноат кунӣ.

Чашм  ба рӯзии дигарон  маяфкан , то  аз  ранҷониддани  нафси  худ  солим  бошӣ.

Аз  таом  гуруснаву  аз  таом сер бош.

Ба  мардум   сухан  магӯю  хомуширо  шиори худ кун ,то ки  аз  шари  забонҳо эмин гардӣ.

Хушо, ба нимашабе бо Худо сафо кардан,
Забони ҳол гушудан, зи дил дуъо кардан.
Тамоми лаззати олам намерасад қадраш,
Ба як дақиқа муноҷот бо Худо кардан.

Эй хоҳари ҷон

Гарра машав ба ҳусну ба ҷамол эй духтар,

Сайъ кун дар талаби илму камол эй духтар.

Заррае ақл агарат дар васати хеш бувад,

Беҳ, ки дар кунҷи лабат донаи хол эй духтар.

Аз гуноҳ дури бичӯй, гарчанде ҳасти хушрӯй,

Бо ашкҳои надомат, руйи зебоят бишӯй.

Илму ҳикмат биомӯз, фазлу шараф биандӯз,

То ки боши сарбаланд ҳам имрӯзу ҳам он рӯз.

Ризои Парвардигор, бошад бароят шиор,

Ҳам ризои Паёмбар, мақсади оли шумор.

Эй модари меҳрубон, эй хоҳари дилу ҷон,

Насиҳат гар пазири, доим боши дар амон.

Дилатро ба донишвари дор хуш,

Чу донисти он гаҳ дар кор куш.

Мактаб ба ту ёд медиҳад илму адаб,

Мактаб зи ту мебарад ғаму ранҷу тааб.

Як нуктаи мухтасар зи мактаб бигӯям,

Одам нашавад касе магар аз мактаб.

*

Эй хуш аз тан куч кардан, хона дар дар чон доштан,
Руй монанди пари аз халк пинхон доштан.
Дар хучуми турктозону камондорони ишк,
Синае омода бахри тирборон доштан.
Равшани додан дили торикро бо нури илм,
Дар дили шаб партави хуршеди рахшон доштан.

Мунодии Шайтон

Мунодии Шайтон

Аз  ҳазрати Абӯамона (р.а)  ривоят  шудааст ,ки  Расулуллоҳ (Саллаллоҳу  ъалайҳи ва  салам)  фармуд:

Вақте  Шайтон  хост   бар  рӯи  замин  биёяд  ба Худованд  арз  намуд:

Эй  бори Илоҳо , ту  маро  ба  сӯй  замин  мефиристонӣ  маро  рондаи  даргоҳат  менамоӣ, барои ман  маношоҳе муқаррар  бифармо.

Худованд   фармуд:

Манзили ту  ҳаммом  мебошад.

Шайтон  гуфт:

Барои ман  нишастангоҳе   муайян  бифармо.

Худованд  фармуд:

Бозорҳо  ва  роҳҳо  нишастагоҳҳои ту  мебошанд.

Шайтон  гуфт:

Парвардигоро  тартиби ғизояиро  ҳам  бидеҳ.

Худованд  фармуд:

Ғизоят  ҳарон  чизе  аст , ки  номи  Худо   бар  он  гирифта нашавад.

Шайтон гуфт:

Бароям  нӯшидание  ҳам муқарра  кун.

Худованд  фармуд:

Ҳар  чизи  нашъаовар  нӯшидании ту  мебошад.

Шайтон  гуфт:

Бароям  василае  муқаррар кун  то мардумро ба  сӯйам даъват   намоям.

Худованд  фармуд:

Мусиқӣ  ва  асабони  он  мунодиёни  ту  ҳастанд.

Шайтон  гуфт:

Бароям  чизе  муқаррар  кун  ,то  бор  бор  хонда шавад.

Худованд  фармуд:

Шеърҳои  зишт  Қуръони ту  мебошанд.

Шайтон гуфт:

Тавони   навиштани  чизе  иноят  фармо.

Худованд  фармуд:

Нишон  дуруст  кардан  бар  рӯй   ҷисм  навиштани  ту  мебошад, яъне  он  расмҳое ,ки  бар пӯсти  бадани  худ  нақш  мекунанд.

Шайтон  гуфт:

Парвардигоро, бароям  сухан  ҳам муқаррар  фармо.

Худованд  фармуд:

Дуруғ  гуфтан  каломи ту мебошад.

Шайтон  гуфт:

Бароям  доме  дуруст кун.

Худованд  фармуд:

Занон  доми  ту  ҳастанд.

Ҳикояҳо

Се дӯсти  инсон

Илму  сарват  ва  иззат  се  дӯст буданд  ва  замаоне  ба  ҳам  дар мунозира  шуданд. Илм  гуфт:

-Маро  дар  синфхонаҳои  дарсӣ  ҷустуҷӯ  мекунанад.

Саравт  гуфт:

-Маро  дар  иморатҳову  қасрҳои  амирону  подшоҳон  метавон  ҷустуҷӯ  намуд.

Иззат  хомӯш  гашт. Илму  сарват   ба  иззат  гӯфтанд:

-Чаро   хомӯш  гаштӣ?

Иззат  бо  оҳе  сард  гуфт:

-Ҳар  гоҳ  ман  аз  касе  рӯй  гардонидам, дубора  ба  сӯяш  бознамегардам  ва  дигарбора  ба  даст оварда  нахоҳам  шуд.

Ақсоми  чаҳоргонаи дил.

Дар “Муснад”-и  Имом  Аҳмад  омадааст,ки  Расулуллоҳ  (Саллаллоҳу  ъалайҳи ва  салам)  фармуд:Дил  ба  чаҳор  қисм  мебошад:

1.     Диле,ки  монанди  чороғи  равшан  дурахшанда  мебошад.

2.     Диле,ки ғилофаш  олуда  мебошад.

3.     Диле,ки оғуштаву  омехта  мебошад.

Аввалин  дил ,дили   мӯъмин  аст ,ки  ба  таври комил  дурахшон мебошад.

Дуввумин  дил  дили  кофир  аст ,ки  бар  он  ғилоф  афканда  шудааст.

Саввумин  дил  дили  мунофиқе  аст ,ки  медонад  ва инкор  мекунад.

Чаҳорумин  дил, дили  мунофиқе  аст ,ки  омехта  ба имону  куфр  аст.

Мисоли Имон  монанди  сабза  аст ,ки  дар  об  мезабзад  ва  мисоли  нифоқ  монанди  обила  аст ,ки  пур  аз  чирк  мебошад.

СОҲИБИ ИМОНАМ КУН

СОҲИБИ ИМОНАМ КУН!

Эй бор Худо соҳиби имонам кун,

Хонандаву донандаи Қуръонам кун.

Гар хондани Қуръон муяссар нашавад,

Аз ҷумлаи мардуми намозхонам кун.

Ормониям аз зиёрати хонаи ту,

Ҳоҷии дари дили ятимонам кун.

Тавфиқ бидеҳ ба ин дили саркаши ман,

Озод зи банди макри шайтонам кун.

 Навмед наям зи боргоҳи каромат,

Бахшидани ҳар гуноҳ арзонам кун.

Аллоҳ Ту акбари ва Раҳмону Раҳим,

Раҳме ба мани ғофили нодонам кун.

Бар ҷумлаи бандагон ҳабибиву табиб,

Ранҷури ду оламам кун, Ту дармонам кун.

Шукронаи дарду ранҷи бахшидаи ту,

Вақти сакарот расид, осонам кун.

Дар гуфтани "Ло илоҳа..." пеши ду малак,

Дар хонаи охират гӯёям кун.

Дар олами фонӣ шукри ҳар бешу камат,

Дар рӯзи ҷазо лутф фаровонам кун.

 Ман бандаи осӣ-"Назри Оллоҳ"-и туям,

Ту дар роҳи ишқи пок қурбонам кун.

Интиқодоти муғризон дар издивоҷҳои Муҳаммад (с) ва радди кўтоҳе бар онҳо!

Чун ҳамеша муғризон ва ҳоқидони  Шарқу  Ғарб ё мусташриқони даҳрии исломситез мехоҳанд чеҳраи Паёмбари ислом ҳазрати Муҳаммад (с)- ро барои оламиён бад ҷилва  диҳанд. Яке аз иттиҳомоте, ки мехоҳанд ба Паёмбари ислом (с) ворид намоянд,  ин масъалаи издивоҷи бисёри Паёмбар (с) аст, ки зери ин суол қарор дорад:

Чаро Паёмбар (с) ҳамсари зиёд  гирифтанд? Чаро зиёд ба занҳо майл доштанд? Гуё ин нуқтаи заъфи Муҳаммад (с) буда.

Посух ба ин суолотро метавон тариқи зайл ҷавоб дод: Агар ба даъвати беназири Расули Акрам (с) сайри кўтоҳе намоем, натиҷаҳои хуберо  дармеёбем. Давлати  исломие, ки Паёмбари бузург таъсис намуданд,  амалҳоеро, ки дар ҳаёти босаъодати худ анҷом додаанд ва давлати паҳноваре, ки аз Чин то Мағриб  имтидод ёфта буд, ин ҳама аз натиҷаҳои даъватҳои шабонарӯзии он Ҳазрат (с) буданд, на аз рўи фориғболӣва машғулияташон бо ҳамсарон (“Уммаҳот-ул- муъминин”). Агар Паёмбари ислом (с) бо ҷиддият дар даъваташ устувор намебуд, ҳаргиз наметавонист  халифае мисли Абўбакри  Сиддиқ (р)-ро ҳамчун идомадиҳандаи роҳаш тарбия намояд, ки пас аз реҳлати он Ҳазрат ҳама ихтилофоти дохилиро ҳаллу фасл намояд ва умматро дар атрофи дини ислом ҷамъ намуда, роҳро барои халифаи баъдӣшогирди дигари он Ҳазрат (с) абармарде, ки Шарқу Ғарбро ба зонў даровард, яъне  Форс ва Румро, ки ў Умар ибни Хаттоб (р) буд, тарбия намояд. Дигар ёрону асҳоби он Ҳазратро, ки ҳар кадом сумбули мардонагӣва қуръони зинда дар заминанд ва бо ахлоқи худ сабаби ҳидояту  гаравидани мардумони зиёд ба ислом шуданд, наметавон ҳамаро дар  ҳаҷми мақола  ҷой дод.

Агар  Паёмбаре  ҳамеша машғули шаҳват, айшу нўш ва  роҳату  нишастан дар атрофи ҳамсарон мебуд, метавонист чунин абармардони роҳи Ҳақро тарбия намояд?

Чунин ёрони мухлису роҳравони воқеӣ пас аз худ тарбия намояд?

Ҳаргиз  на, ин далоил беасос  будани ин иттиҳомро нисбати он Ҳазрат (с)  нишон медиҳад.

Шумо Муҳаммад (с)-ро бо шоҳону императорҳои ғарбии худ қиёс накунед. Чун онҳоро дар бузургтарин ҳолати айшу нӯш ва шаҳватронӣ ёфтед ва ҳаёташон пур аз лаззатҳо ва шаҳватрониҳо буданд. Ин қиёсатон ботилу беасос аст !

Ҳаргиз дили Паёмбари ислом Муҳаммад (с) ба занҳо моил набуд мисле,ки мусташриқону муғризон менависанд.

Албатта Ӯ низ як марде буд ва мисли ҳар мард хоҳишоти нафсонӣдошт, вале на мисли он, ки шумо тасаввур мекунед ва андешаи ноқиси шумо онро мефаҳмад ва он афкори ботилу беасоси худро менависед ва ба дигарон мехоҳед талқин намоед!

Албатта мусташриқи муғриз инро бояд бидонӣ!

-Муҳаммад (с) мард ва рамзи боризи родмардони олам буд!

-Муҳаммад(с) рамзи як падари мушфиқу ғамхору мунис буд!

-Муҳаммад (с) дўстдори ҳама умматонаш буд!

-Муҳаммад (с) дорои бузургтарин мактабу наҳҷи волое буд, ки башарият назирашро надида буд!

-Муҳаммад (с) Чунон ёронеро тарбия намуд, ки матонат, мардонагӣ, садоқат, шуҷоъат, ҷоннисорӣ, хоксорие ба онҳо таълим дод, ки ҳама миллатҳои олам мафтуни он таълимот гардиданд!

-Муҳаммад (с) қадру манзалати занро чунон боло бардошт,ки ягон дину ойин ба зан чунин қадру манзалат надода буданд!

-Муҳаммад (с) занро аз бардагӣ, беҳаёӣ ва зинда ба гӯр кардан раҳонид,  қадреро ба ӯ дод, ки то ба ҳол Ғарб ва олами дур аз ислом  ба ӯ надодаанд!

-Муҳаммад (с) чунон ҳуқуқи занро дар хонавода баланд бардошт, ки агар мардон ба он амал кунанд дар дунё ҳама занҳо саодатманд хоҳанд шуд!

-Муҳаммад (с) қадри модарро ончунон боло бардошт, ки ҷаннатро, ки ҳама орзўи дохил шудан ба онро доранд зери пойи модарон донист!

-Муҳаммад (с) дар китоби ҷовидонаи Қуръон, ки сурае  бо номи “Нисо” (занҳо, ки дар ягон китоби осмонӣ набуд) бар ў нозил гардид!

-Муҳаммад (с) ятим буд ва хуб медонист ятим будан чист ва ончунон бар ятимон  мушфиқ буд, ки сарпарастӣ бар ятимонро дар Ҷаннат бо худ якҷо баён намуд, ки ин бузургтарин роҳест барои баланд бардоштани рўҳияи кудакони ятиму бепарастор тавассути сармоядорони умматаш !

-Муҳаммад (с)-ро эй бехирадони хирасар ба шоҳону императорони хунсои худ, ки аслан на мард буданд ва на тинати мардонагӣ доштанд шабеҳ макунед.! То ба ҳол касе аз худ ва на касе аз бегонагон аз он шоҳону императорон ба хубӣёд накарда, ва на онҳо аз худ ахлоқи накў боқӣгузоштанд, ки бо он ифтихор дошта бошед? Ончӣ аз саргузашти онҳо хондаед онро қиёс накунед!

Паёмбари ислом  (с) миёни аҳли Макка ба Муҳаммади Амин ва волотарин ахлоқи беназир маъруфу машҳур буданд. Инчунин чеҳраи зебову ҷаззобе  доштанд, ки касе дар Ҷазират-ул-араб надоштанд.

Агар Муҳаммад (с) бо ин хислати волояш ва чеҳраи зебову ҷаззобаш дар фикри шаҳвату рағбат  ба занҳо мебуд аҳли Макка дар ҳол ин масъаларо қабл аз шумо ҷанобони мусташриқин кашф мекарданд. Зеро аҳли Макка душманони ақидавияш буданд ва кўчактарин гуноҳе ё иттиҳомеро барояш меҷўстанд, то бо он иттиҳом садде барои интишори даъваташ гарданд. Вале чизе аз ин иттиҳомоте, ки шумо ворид мекунед нисбати он Ҳазрат (с) онҳое, ки бо он Ҳазрат зиндагӣкарданд пайдо накарданд ҳар як Абўҷаҳлу, Абўлаҳабе буд, ки мунтазири ҳамин аъмол буданд, онҳо аз кашфи он оҷиз монданд ва  шумо мехоҳед пас аз 14 аср онҳоро пайдо кунед?

Аз ин рў ин ҷо мехоҳам каме аз ҳаёти он Ҳазрат (с) дар мавриди издивоҷҳояш нақл кунам ва бисёр масоилеро, ки барои шумо норавшан ҳаст, гушзад намоям.

Муҳаммад (с) издивоҷ  накарданд, то вақте, ки умрашон ба 25 сол расид  дар ҳоле, ки ҷавони зебо ва дорои волотарин ахлоқ ва маъруф ба Амин  ва ростманиш  буданд.  Дар  Макка бо кӣ издивоҷ мекунад? Ба зане,ки умраш ба чиҳил расида буд на духтари дўшизаи аз худ чанд сол кўчак, магар ин амал аз чӣ далолат мекунад? Бояд ба ин савол мусташриқине, ки ин иттиҳомотро кардаанд посух бигўянд на мо!

Паёмбар (с) бо ҳамсараш Хадиҷаи бинти Хувайлид (р) то синни  50-солагӣ зиндагӣ карданд ва ҳамсарашон аз дунё гузаштанд дар ҳоле, ки дигар ҳамсаре надоштанд. Агар Муҳаммад (с) он тавре, ки шумо мепиндоред, мебуданд бояд дар ҳол пас аз вафоти ҳамсарашон бо духтари ҷавоне издивоҷ менамуданд, ки ба ин қудрат ва тавон доштанд ва духтарон низ дар орзӯи ҳамсар шудани он Ҳазрат (с) буданд ва падару модарони духтарон ҳам таманнои онро доштанд, ки чунин домоде дошта бошанд. Агар шумо кўчактарин тинати инсонӣ дошта бошед бояд донед, ки қуввату хоҳишоти шаҳвонии  мард  одатан то синни 50 солагӣ бештар аст, нисбат ба умри пас аз  50 сол. Хуб мешуд каме ба худ оед қабл аз иттиҳом ворид карданатон ба Паёмбари ислом Муҳаммадиамин (с).

Ягона ҳамсари  дўшизаи он Ҳазрат  Оишаи Сиддиқа (р) буд. Як нуктаи муҳими дигарро  набояд фаромўш кард, ки хоҳишоти шаҳвонии мард он ҳангом зиёд мешавад, ки хўрокаш равғаниву дорои калорияҳои муғаззӣ бошад.  Вале  фаромўш  насозед, ки Муҳаммад (с) ба ривоятҳои ҳамсарашон  Оишаи Сиддиқа (р) ҳатто чанд рӯз ҳам чизе намеёфтанд  ба серӣ тановул кунанд.

Ҳама издвоҷҳои он Ҳазрат (с) дорои ҳикматҳои бузурге буд!

- Яке аз ҳикматҳои издивоҷи он Ҳазрат (с) дар он буд, ки интишори ислом тавассути занҳо бештар ва муассиртар буд. Зеро аҳкоми шаръ хоссатан он қисмате, ки хосси занҳост аз зан ба зани дигар осонтар ва муфидтар аст. Чун зан мураббӣ дар хонавода аст ва таъсири модар ба тифл дар расонидани аҳком яке аз масоили муҳимме ба маҳсуб меёбад.

- Ҷамъ намудани қабилаҳои арабӣ ба сабаби домод шудани он Ҳазрат (с) бо духтарони он қабоил .

Номҳои ҳамсарони Муҳаммад (с) ва чӣгуна сурат гирифтани онҳо.

1. Нахустин ҳамсари Муҳаммад (с) Умулмуъминин  Хадиҷа бинти Хувайлид  (р) қабл аз нузули ваҳӣ ва понздаҳ сол қабл аз ба  паёмбарӣ баргузида шуданаш  бо Ӯ издивоҷ кардаанд. Аз ин ҳамсарашон Зайнаб, Руқия, Умми  кулсум, Фотима, Қосим,Тайб,Абдуллоҳ ва Тоҳир дар баъзе ривоёт танҳо Қосим ва Абдуллоҳ  омадааст, таваллуд шудаанд. Муҳим аз ҳама фарзандони Расули Акрам (с) аз Хадиҷа (р) буд ба ҷуз Иброҳим,ки аз Морияи Қибтия буд.

2. Пас пас аз вафоти  Хадиҷа бинти  Хувайлид (р) баъди як сол ва се сол қабл аз ҳиҷрат бо Савда бинти Замъа (р) издивоҷ намуданд.

3. Оиша бинти Абўбакр (р)  ду сол қабл аз ҳиҷрат издивоҷ кардаанд. Ин издивоҷ пайванди маҳкаму устуворе буд, ки дўстии Расули Акрам (с) ва Абўбакри Сиддиқ (р)-ро боз ҳам қавитар гардонид.

4. Ҳафса бинти Умар (р) соли дуввум ё саввуми ҳиҷрӣиздивоҷ карданд. Ин издивоҷ ҳам яке аз издивоҷҳои муваффақе ба шумор мерафт, ки сират аз он шаҳодат медиҳад.

5. Зайнаб бинти Хузайма (р) соли саввум ё чаҳоруми ҳиҷрӣиздивоҷ мекунанд ва пас аз як сол фавт мешавад. Ба ривояте ду ё се моҳ ва ё ҳашт моҳ бо Расули Акрам (с) зиндагӣ карданд .

6. Умми Салама бинти Абўумайаи Махзумӣ,  номи аслиаш Ҳинд аст  дар соли чаҳоруми ҳиҷрӣ издивоҷ мекунад аз ҳама занҳои солманди он Ҳазрат (с) буданд ва аз ҳама умри зиёд низ дидаанд. Ин издивоҷ дуое буд, ки Умми Салама пас аз вафоти шавҳарашон кардаанд  ва истиҷоби дуояшон таҳаққуқ пазируфт ва шарафёбии ҳамсарии он Ҳазрат (с)-ро дарёфт намуданд. Ҷавонтарин ҳамсари Паёмбар (с)   Оишаи Сиддиқа (р) соли 56 ҳиҷрӣ реҳлат мекунанд ва Умми Салама бошад соли 58 ҳиҷрӣ вафот кардаанд.

7. Зайнаб бинти Ҷаҳш соли панҷуми  ҳиҷрӣбо ин  ҳамсарашон издивоҷ мекунад. Зайнаб бинти Ҷаҳш духтари амми Паёмбар (с) низ буданд. Қиссаи ин издивоҷ дар Қуръон ҳам ҳаст. Ин зан нахуст ҳамсари Зайд ибни Ҳориса (р) мебошад ва пас аз  муросо накардан бо ҳамсарашон, ки он ҳам бошад куф набудан буд,  ба ақди Расули Акрам (с) медарояд. Ин издивоҷ ҳам ҳикмати хубе дошт, зеро мардуми араб шахсеро бачахонд меномиданд он барояшон маҳрам ҳисоб мешуд ва ҳамсари ӯ келин ба шумор мерафт. Ислом ин амалро рад карда, ин одати ҷоҳилиятро аз миён бурд ва Зайдро, ки бачахонди он Ҳазрат (с) мехонданд, ҳатто дар аёми ҷоҳилият бачахонд аз падархондаш мерос ҳам мебурд онро ботил хонд. Зайнаб бинти Ҷаҳш (р)-ро бо амри илоҳӣба ҳамасарӣ баргузид.

8. Ҷувайрия бинти Ҳорис соли шашуми ҳиҷрӣ издивоҷ менамояд ва ин издивоҷро, издивоҷи бобаракат меноманд. Вақте  қабилаи бани Мусталиқ мешунаванд, ки  Муҳаммад (с) домодашон шуда,  ончи аз асирон ва бардагон доштанд онҳоро бад-ин муносибат озод намуданд.

9. Морияи Қибтия соли ҳафтуми ҳиҷрӣ ҳадияи малики миср буд, ки бо хоҳараш Сирин имон меорад. Ба ақди Расули Акрам (с) медарояд ҳамчун ҷория ё каниз. Аз ин хонум  писаре ба дунё меояд, ки  бо номи Иброҳим ва дар хурдӣаз дунё мегузарад.

10. Умми Ҳабиба  номи аслиаш Рамла бинти Абўсуфён аст, ки  соли ҳафтуми ҳиҷрӣиздивоҷ менамояд ва аз муҳоҷирони аввали  Ҳабаша аст.

11. Сафия бинти  Ҳуйя аз яҳудиёни қабилаи Бани Назир буд, ки дар  соли ҳафтуми  ҳиҷрӣ дар ғазваи Хайбар бо ӯ издивоҷ намуданд.  Ин издивоҷ сабаби имон овардани яҳудиёни зиёде низ мегардад.

12. Маймуна бинти Ҳорис соли ҳафтуми ҳиҷрӣбо Расули Акрам (с) издивоҷ менамояд. Занест, ки худро бо Расули Акрам (с) дар ҳоле, ки дар болои уштураш аст, мебахшад ва оят дар шаъни ин зан нозил шудааст.

"وامرأة مؤمنة إن وهبت نفسها للنبي".

Занҳое, ки дар ақди никоҳи Расули Акрам (с) даромаданд, вале бо онҳо зиндагӣнакардаанд:

1. Умраи Калобия бинти Язид бинни Равос бинни Калоб пас аз ақди никоҳ ба Расули Акрам (с) расониданд, ки бемори сафедии пуст дорад, ки бо ў наздик нашуданд ва дарҳол талоқ карданд.

2. Қутайла Ал Киндия бинти Қайс бинни Муъди  Карб  аз ҷабалаи Киндия буд хоҳари Ашъас  ибни Қайс. Духул бо баъзе  сабабҳо бо ин зан низ сурат нагирифтааст.

3. Сано Сулмия бинти Асмо ибни Алсалт ибни Ҳабиб ибни Ҷобир ибни Ҳориса ибни Ҳилол Алсулами. Ин хонум қабл аз он,ки Расули Акрам (с) ба наздашон дохил гарданд, вафот карданд.

4. Шароф Ал-Калбия хоҳари Яҳёи Калбие, ки Ҷабраил (а) ҳамеша вақте ба назди Расули  Акрам меомад худро ба сурати  Яҳё менамуд. Ин хонум ҳам қабл аз онки Расули Акрам (с) ба наздаш дохил гарданд, вафот намуданд.

5. Олияи Калобия  бинти Забён ибни Амр ибни Авф ибни Убайд  ибни Абўбакр ибни Килоб  буданд. Ривоят мекунанд, ки ин хонум дар назди Расули Акрам (с) буданд, чанд муддате духул сурат нагирифта буд,  сипас  ўро  талоқ намуданд.

6. Лайлои Авсӣ бинти Хатйм Алавсӣ  ин хонум назди  Расули Акрам меояд ва дар назди он Ҳазрат (с) худро чунон вонамуд мекунад, ки Расули Акрам мегўяд: “Ин ки аст,ки ӯро  шер хўрдааст”?

Мегўяд : “Ман  Лайло бинти Хатйм бинти Мутъим Алттайр ҳастам, омадаам, то худро ба шумо бубахшам”.

Расули Акрам (с) мегўяд: “Ба таҳқиқ қабулат кардам”.

Лайло ба хонааш  бармегардад ва дар хонааш барояш мегўянд: Расули  Акрам (с) ҳамсарони зиёд доранд ва ту хело зани рашкин ҳастӣва мо итминон дорем, ки ту он Ҳазрат (с)-ро озор медиҳӣва Ӯ (с) дуое  бароят мекунад. Лайло аз хона берун гашт, то  ба назди Расули Акрам (с) равад, вале дар дохил гаштанаш ба даромадгоҳи шаҳри  Мадина  шере бар ӯ ҳамла мекунад ва ўро ба ҳалокат мерасонад.

7. Асмоъ бинти Наъмон бинни Ҷавн бинни Шураҳбил. Инчунин Ӯро Асмоъ бинти Наъмон бинни Асвад бинни Ҳорис бинни Шароҳбил бинни Наъмон аз Кунда гўянд.

Чунин омадааст, ки Расули Акрам (с) бо ин хонум издивоҷ намуданд, вале дар қиссаи ҷудо шуданашон чанд ривоят омадааст. Яке аз ривоятҳо чунин аст:  Вақто, ки Паёмбари Акрам (с) ба назди Асмоъ дохил гашт  ва хитоб ба ў чунин гуфтанд: Биё ба наздам. Асмоъ аз омадан ба назди он Ҳазрат (с) худдорӣнамуданд. Дар ривояти дигар омадааст, ки вақте ўро ба наздашон хостанд, Асмоъ чунин гуфтанд: “Аъузу биллоҳи минка” Яъне талаби паноҳ металабам аз Худо,(ки дур бошам ) аз шумо. ”Расули Акрам (с) гуфтанд: “Ба таҳқиқ талаби паноҳ талабидӣба дурӣаз ман Худованд дур намуд туро аз ман”. Пас аз чунин суханон аз як дигар ҷудо шуданд ва Асмоъ то охири умрашон худро ба номи “Шақия” саркаш номиданд.

Хонандаи гиромӣ намехоҳам  посухамро аз ин бештар  идома диҳам, то  мақола тўлонитар гардад. Он тўдаи бемағзе, ки мехоҳанд номи он Ҳазрат (с)-ро ба оламиён ба бадӣнишон диҳанд ин амалҳои онҳо ҳамеша бар зидди худи онҳост. Мисоли зинда ҳарчӣмехоҳанд филмҳои тамасхўромезу  таҳқирҳои худро  бар зидди он Ҳазрат (с) нишон диҳанд. Ин амали онҳо ҳамон қадар бар алайҳи худи онҳост ва бузургтарин олимону, ҳунармандон, нависандагону, донишмандон, ва муҳақиқонашон ба дини ислом мегараванд. Ончӣдар ин чанд рӯз ҳамагӣ аз он огоҳӣ доред филми таҳқиромезе нисбати он Ҳазрат (с) сабаби имон овардани чандин ҳазор масеҳӣ гардида, аз ҷумла  ҳунарманди инглиситабор Роуэн Аткинсон бо лақаби ифтихории “Мистер Бин” ҳам ана ҳамин буд. Ҳарчӣ кўшиш мекунанд обу рӯи он Ҳазрат (с)-ро резонанд ҳамон қадар обу рӯяш бештару самимитар ва сабаби ҳидояти шаҳрвандони онҳо мегардад.

Дар охир аз Худованди кариму корсоз таманнои онро дорем,ки чашмҳои моро ба наҳҷу равиши китоби ҷовидонаи Қуръон мунаввар бигардонад. Дилҳои моро ба тақво музайян созад, ахлоқи моро ба сирати мутаҳҳари он Ҳазрат Муҳаммади Мустафо (с) созгору муродиф бигардонад омин ё рабалоламин.